मैत्री

जीवनाच्या वाटेवर मित्र भेटतात
सुखाची सोबत क्षणाची देतात
क्षणात भेटून निघून जातात
आठवणीत मात्र तेच राहतात
मनाच्या कोपऱ्यात ठसा उमटवतात
मैत्रीची जाणीव ठेवून जातात
काही इच्छा मोठ्या असतात
अर्धवट ठेऊन निघून जातात
काही काळाने स्मरणी येतात
डोळ्यात अश्रू हळूच देतात
पण तेव्हा ते या सृष्टीत नसतात
जागाच्या पडद्याआड विरून जातात
आणि मैत्रीच्या नात्यात अमर होतात.

कवयित्री - कावेरी डफळ