किती तरी दिवसांत

किती तरी दिवसांत
नाही चांदण्यात गेलो
किती तरी दिवसांत
नाही नदीत डुंबलो

खुल्या चांदण्याची ओढ
आहे माझी ही जुनीच
आणि वाहत्या पाण्याची
शीळ ओळखीची तीच

केव्हा तरी चांदण्यात
पुन्हा जाईन निर्भय;
गांवाकाठच्या नदीत
होईन मी जलमय

आज अंतरात भीती
खुल्या चांदण्याची थोडी
आणि नदीचा प्रवाह
अंगावर काटा काढी

बरा म्हणून हा ईथे
दिवा पारवा पा-याचा
बरी तोत-या नळाची
शिरी धार, मुखी ऋचा

कवी - बा. सी. मर्ढेकर

दख्खन राणी

दख्खन राणीच्या बसून कुशीत
शेकडो पिले ही चालली खुशीत

सुंदर मानव तुंदिल अंगाचे
गालिचे गुलाब शराबी रंगाचे
ठेविल्या बाहुल्या बांधून बासनी
गोजिरवाणी लाजिरवाणी
पोरटी घेऊन पोटाशी कुशीत
दख्खन रानी ही चालली खुशीत

निसर्ग नटला बाहेर थाटात
पर्वत गर्वात ठाकले थाटात
चालले गिरीश मस्तकांवरून
आकाशगंगांचे नर्तन गायन
झेलून त्यांचे नुपूर घुंगुर
डोलती डौलात दुर्वांचे अंकुर
मोत्यांची जाळी घालून भली
रानाची चवेणी जाहली प्रफुल्ल
दख्खन राणीला नव्हती दखल

ड्यूकचे नाकड सरळ अजस्त्र
राहिले उभे हे शतके सहस्त्र
त्याच्याही पाषाण हृदया कळाली
सृष्टीची शोभा ही वृष्टीत वेगळी
नीला तो तलाव तांबूस खाडी ती
पांढरा प्रपात हिरवी झाडी ती
अवतीभवती इंद्राची धनुष्ये
दख्खन राणीत मुर्दाड मनुष्ये

दख्खन राणीच्या कुशीत पोटात
बुडाली जाणीव चहाच्या घोटात
किलवर चौकट इसपिक बदाम
फेकीत फेकीत जिंकित छदाम
नीरस पोकळ वादांचे मृदंग
वाजती उगाच खमंग सवंग
खोलून चंची पोपटपंची
करीत बसले बुद्धीचे सागर
दख्खन रानी ही ओलांडे डोंगर

धावत्या बाजारी एकच बालक
गवाक्षी घालून बसले मस्तक
म्हणाले "आई गं, धबधबा केवढा
पहा ना चवेणी, पहा हा केवडा
ढगांच्या वाफेच्या धूसर फेसात
डोंगर नहाती पहाना टेसात"
म्हणाली आई "पूरे गं बाई,
काय या बेबीची चालली कटकट"
दख्खन राणीचा चालला फुंफाट

दख्खन राणीच्या पोटात कुशीत
शेकडो पिले ही चालली खुशीत
मनाने खुरटी दिसाया मोठाली
विसाव्या तिसाव्या वर्षी ही आंधळी
बाहेर असू दे उन वा चांदणे
संततधार वा धुक्चे वेढणे
ऐल ते पैल शंभर मैल
एकच बोगदा मुंबई पुण्यात
दख्खन राणी ही चालली वेगात ...
दख्खन राणी ही चालली वेगात... !!

कवी - वसंत बापट

तेरी तस्वीर में वह रंग भरा है मैंने…

तेरी तस्वीर में वह रंग भरा है मैंने…
जो
कोई शब्द, शेर या अशआर
बयां नहीं कर सकता।

तेरी तस्वीर में वह रंग भरा है मैंने…
जो
कोई भी छूकर
उसे मेहसूस नहीं कर सकता।

तेरी तस्वीर में वह रंग भरा है मैंने…
जो
कोई समाज, जाती या धरम
उसे उधेड़ नहीं सकता।

तेरी तस्वीर में वह रंग भरा है मैंने…
जो
कोई भी प्यार से देखेगा
उससे प्यार किए बिना नहीं रह सकता।

 - धनंजय चौधरी

सुना है लोग

सुना है लोग हारने के बाद

हमेशा अपने नसीब को कोसते है।

लेकिन जीतनेवाले कभी नसीब को

श्रेय क्यों नही देते!?!

सुना है लोग सोशल मीडिया पे

बोहत खुश दिखते है।

लेकिन असल जिंदगी में

ऐसा क्यों नहीं लगते!?!

सुना है लोग आज बोहोत

ज़्यादा जागृत हो गए हैं।

लेकिन मतदान करनेवालों के आंकड़े

(यह) बयां क्यों नहीं करते!?!

- धनंजय चौधरी

सांगेल मी केव्हातरी

का होत आहे स्वप्नवत सारे
का वाहतोय वारा सळसळणारा
का गरजतोय पाऊस आठवणींचा
सांगेल मी केव्हातरी तूला

हल्ली येतात ढग दाटून आभाळात
मग वाहतो सुसाट वारा आठवणींचा
का येतात मग आनंदाश्रूच्या धारा
सांगेल मी केव्हातरी तूला

एक एक आठवणी नंतर मग
चमकतो आसमंत लख्ख प्रकाशात
का घाबरतं मन त्या प्रेमळ विजेला
सांगेल मी केव्हातरी तुला

हळूहळू पावसाचा जोर वाढतो
प्रत्येक थेंबागनित एक उसासा सोडतो
का हरवतो त्या दिवसात नेहमीसारखा
सांगेल मी केव्हातरी तूला

आसमंतात दरवळणारा म्रुदगंध
आणि तुझा होणारा आभास
का वेड लावतो जिवाला
सांगेल मी केव्हातरी तूला

सांगेल मी केव्हातरी तूला
पावसानंतरची शांतता
उद्विग्न झालेल्या मनाची अवस्था
आणि आठवणीसुद्धा

नक्की सांगेल मी केव्हातरी तुला
हसरा चेहरा, रडक्या व्यथा
पाहिलेलं स्वप्न आणि वास्तव सुद्धा
सांगेल मी आठवणीने तुला

- धनंजय चौधरी

मतप्रवाह

             आज इथे उद्या तिथे
             जाउ तिथे खाउ
             कार्यकर्ते मात्र इथे
             उगाच करतात बाउ

             सकाळ अन् संध्याकाळ
             शब्दांचे फुले वाहू
             फक्त एकदा मत द्या
             पुन्हा वळून नका पाहु

             आश्वासनांच्या पुड्या
             'विकास' देखील दाउ
             भूमिपूजन, उद्घाटन, मेळाव्यातून
             दांडगा 'जन-संपर्क' साधू

             अमक्क करू, ढमक्क करू
             याव करू अन् त्याव करू
             चांगल करू, छान करू
             मतदारसंघाचं 'नाव' करू

             पत्रके वाटू रॅली करू
             सगळयांना एक नारा देऊ
             करायचं किंवा नाही करायचं
             ते निवडून आल्यावर पाहु

             'आचारसंहिता' आपली वेगळी
             आचार आपला वेगळा दाउ
             मतांचं गणित जुळवण्यासाठी
             जातीचं समीकरण वापरुन  पाहू

             युती, आघाडी , आलियन्स
             वेगवेगळी नावे देऊ
             नाही जमल्यास तसं काही
             एकमेकांची "धुणी" धुवू

             प्रचार, प्रसार आणि 'प्रसाद'
             यांवर पाण्यासारखा पैसा वाहू
             निवडून आल्यावर मात्र
             आपलं घोडं गंगेत न्हाऊू !

            - धनंजय चौधरी

आयुष्य

आयुष्य म्हणजे एक गंमत
तिखट - गोड क्षणांची सुरेख संगत

आयुष्य म्हणजे एक मजा
परीक्षा नावाच्या गोष्टीची सजा

आयुष्य म्हणजे एक अपेक्षाभंग
अशक्य मिळवण्यात सदैव दंग

आयुष्य म्हणजे एक गार वारा
उन्हाळ्यात पाऊस अन गारा

आयुष्य म्हणजे एक संधी
कधीतरीच येते दुःखाची मंदी

आयुष्य म्हणजे एक सुगंध
अनपेक्षित सुखाचा ऋणानुबंध

आयुष्य म्हणजे एक आश्चर्य
कधीच न कळणारे  तात्पर्य 

आयुष्य म्हणजे एक व्यथा
जगण्या - मरण्याची छान कथा

आयुष्य म्हणजे एक आशा
पदरी न पडण्याची निराशा

आयुष्य म्हणजे एक टोळका
अनेक विचारवंताचा घोळका

आयुष्य नावाची गोष्ट
अगदीच क्लिष्ट
सरतेशेवटी करते जगाला
जय महाराष्ट्र !!!


 - धनंजय चौधरी

[Published on 'अस्तित्व' board in MESCOE, on date 22/02/2011]