कौशल्य

खरं कौशल्य असतं ,
दुःखाला सामोरं जाण्यात.....
जमिनीवर राहूनही,
आकाशात उडण्यात.....

खरं कौशल्य असतं,
मनासारखं न घडूनही हसण्यात.....
प्रतिकुलतेतही स्वतःच
नशीब घडवण्यात.....

खरं कौशल्य असतं,
अंधारातही उजेड शोधण्यात.....
ओलं न होताही,
पावसात भिजण्यात......

जसं सावलीला प्रकट
व्हायला ऊनच लागतं....
चांदण्यांना महत्व,
अंधारामुळेच येतं.....

तसं नातं सुख-दुःखाचं असतं,
आणि खरं कौशल्य,
ते ओळखण्यात असतं....

कवयित्री - कावेरी डफळ