आभाळ निळे तो हरि,
ती एक चांदणी राधा,
बावरी,
युगानुयुगीची मनबाधा
विस्तीर्ण भुई गोविंद,
क्षेत्र साळीचे राधा,
स्वच्छन्द,*(संसिद्ध)
युगानुयुगीची प्रियंवदा
जलवाहिनी निश्चल कृष्ण,
वन झुकले काठी राधा,
विप्रश्न,
युगानुयुगीची चिरतंद्रा
कवी - पु. शि. रेगे (पुरुषोत्तम शिवराम रेगे)
* - ‘गंधरेखा’ या संग्रहात ही कविता पुन्हा घेताना कवी रेगे यांनी ‘स्वच्छन्द’च्या जागी ‘संसिद्ध’ हा शब्द घातला आहे.
