साथ मला तू देशील का?

साथ मला तू देशील का...

- धनंजय चौधरी

तू खूप छान दिसतेस

 - धनंजय चौधरी

वादा रहा

यह वादा रहा मेरा खुदसे कि

ना कोसूंगा में नसीब को

ना रोतलू बनूंगा और

ना ही रोकूंगा अपने प्रयास को।

यह वादा रहा मेरा आपसे कि

ना दुखाऊंगा में बातों से

ना तुम्हें रोने दूंगा और

ना ही टोकूंगा आपके सपनों को।

यह वादा रहा मेरा दोनोसे की

ना हम हारेंगे समाज से

ना साथ छोडूंगा और

ना ही भूलूंगा हमारे वादोंको।

- धनंजय चौधरी

प्रेम आणि आठवण

 - धनंजय चौधरी

खरं सांगू

खरं सांगू..
खरं सांगू..
हल्ली मला सुचतच नाही काही
प्रेमळ अथवा तत्सम काही
स्फुरतच नाही कसलाच विषय
अथवा विरहाच्या ओळी


तसा आळस वैगेरे आलेला नाही काही
आणि वैराग्य वैगेरे तर नाहीच नाही
भटकंती थांबलिये अथवा
हरवलिये नजर शोधाची


सौंदर्य शोधणारी भूक शमली असावी
उगाच नाही मन आता रमतं तिच्या विचारांमधे
आणि हसत असतं अथवा रमत असतं
तिच्या आठवणी आठवूनी


शब्दांची गुंफण गुंफतच नाही
कितीही केला प्रयत्न तरी "ती"
जातच नाही विचारचक्रातून
अथवा स्वपनातून, प्रत्येक सांयकाळी


असा एकही क्षण तिच्याशिवाय जात नाही
कारण असतेच ती अणू-अणूमधे
अथवा समोरच्या आरशामधे दिसणार्या
प्रतिबिंबात नेहमीसारखी..खरीखूरी


वाटते आता ऐकूया मनाचे ह्यावेळी
विचारांपेक्षा करूया मनाला "follow"
अथवा घेवूयात ध्यास
प्रीत मिळवण्यासाठी

खरं सांगू..
ह्या भावना आहेत की फक्त शब्द,
माहित नाही
स्वप्न आहे की ध्यास
हे देखील अजून उलगडलेलं नाही
असेल का प्रीत अथवा चाहूल
तिच्या मनातदेखील माझ्यासारखी...
खरं सांगू..
माहित नाही..

 - धनंजय चौधरी

पाउस अन् आठवण

- धनंजय चौधरी

येशील ना ग परतून

पावसाचे आपल बरे

ढ्गातुन येऊन सुखवायचे

आठवणींचे तसे नव्हे

त्याचे काम मनाला दु:खवायचे

पाउस येऊन गेल्यावर

बाग प्रसन्न होते

तुझी आठवण आल्यावर

मन माझे खिन्न होते

जालीम आजारावर

जालीम औषध असते

जालीम जखमा मनावर,

एकही उपाय का नसते(?)

आठवण झाली देवदासची

पण तुला राग आहे व्यसनांची

सख्य करून त्याच्याशी

माझी नाही इच्छा तुला दुखवायची

विचारंती ‘विचार’ आला तुझा

तू सुद्धा विसरली नसशील मला!

आरशात जेव्हा शृंगार

करून तू पाहत असशिल

माझ्या शब्दांची नक्की

तू आठवण काढत असशिल

एकांतात तुझ्या मनात

‘घर’ मी करत असेल

आसपासच्या गर्दीत नजर

तुझी मलाच शोधत असेल

फुलांचा सुहास घेताना

डोळे तुझे आपसूक बंद होत असेल

फूल तुला देत असतानाचा

मीच तुला आठवत असेल

आठवणीत माझ्या जाशील तू हरवून

अन् ओल्या डोळ्यांनी

येशील तू परतून!

येशील ना ग परतून !?!?!!

- धनंजय चौधरी

आठवण आली काय… नाही काय…

 काहीच वाटत नाही …

 कोणी असलं काय… नसलं काय… 

 सवय मनाला झालीय हसण्याची 

 दु:खात काय अन सुखात काय … 

हल्ली कोणाला फरकच पडत नाही

'आठवण' आली काय… नाही काय… 

दिवस सरत नाही… 

सोबत कोणी असले काय… नसले काय… 

सल सलते आठवणींची 

आनंदाची काय… सुखाची काय… 

हल्ली कोणाला विचारताच येत नाही 

'आठवण' आली काय… नाही काय… 

धाडसच होत नाही… 

जमणार असले काय… नसले काय… 

सवय झालीय नेहमीच्या  रस्त्याची 

सुखकर असला काय… नसला काय… 

हल्ली कोणाला विचारण्याची सोय नाही 

'आठवण' आली काय… नाही काय… 

कविता जुळतच नाही… 

शब्द नेहमीचे असले काय… नसले काय… 

सवय सुटत नाही ओळींची 

प्रेमाची काय… विरहाची काय… 

हल्ली 'मन' कासावीस होतच नाही 

'आठवण' आली काय… नाही काय… 

-धनंजय चौधरी 

प्रेमामध्ये पडलोय

जगावेगळी राहणी अन
मंजुळ तिची वाणी
नजरेतला लाजरा भाव
जसे उन्हात थंडगार पाणी

हसताना ती अधिकच
सुंदर मला भासत असे
जणू हास्याला जगात
तिच्याच चेहऱ्यावर शोभा असे

तिच्या त्या वक्तृत्वावर
पावसासारखी छाप होती
प्रत्येक थेंब अन थेंब जणू
चिंब - चिंब भिजवणारी

मला सांगतसे ती नेहमी
मी अशीच नाही , तशी आहे
कधी उगाच रुसवा आणुनी
म्हणे-तशी नाही , मी अशीच आहे

बोलण्यासाठी विषय निवडावा
लागायचा नेहमी मला
कारण कि , कारणमिमांसा करण्या
कारणे द्यावी लागायची मला

आम्ही काहीतरी रोमांटीक
कधीच बोललो नाही
भांडण-रुसवा सोडवण्याशिवाय
कधीच काही जमलच नाही

तरीदेखील नेहमी
आहेच ती
स्वप्नी, मनी आणि
माझ्या ध्यानी

कधी रात्री उगाच
स्वप्नात येवून भांडे
तर कधी एकांतात येवून
गाली खुदकन हसे

ती पाहत नाही जाताना
हसत नाही पाहताना
सल सलते मनाला काही अन
अचानक वळून हसते ती जाताना

बरेच दिवस चाललाय
नजरेचा खेळ
एकदातरी व्हावा
शब्दांचा मेळ

उद्या काय घडावे
हे आजच मी ठरवतोय
शब्दात शब्द अडखळलेत
म्हणजेच आम्ही प्रेमामध्ये पडलोय ??
… प्रेमामध्ये पडलोय !!!

- धनंजय चौधरी 

तू खूप छान दिसतेस

कसं सांगु तुला
तू कशी दिसते
चंद्राची चांदणी
अन् शितल भासते

गुलाब म्हणू कि
फुलराणी म्हणावे
रुपवती तू सुदंर तू
ललना अशी दिसते

कसं सांगु तुला
तू कशी दिसते
गोड हास्य तुझे
मोनोलिसाच वाटते

सौंदर्यापुढे तुझ्या
शब्द पडते फिके
खरं सांगु तुला
तू खूप छान दिसते
तू खूप छान दिसतेस!!!

- धनंजय चौधरी 

ऋणानुबंध

ती म्हणते मला

'तू खूप बदललाय'

मग तीही कुठे 

पूर्वीसारखी राहिलीय 

गोड गोड आठवणी आम्ही 

सोबतच रचलेल्या होत्या 

मग फक्त भांडणं अन कटुता 

का राहावी स्मृतीगंधात तिच्या 

ती  म्हणते-'पूर्वी तू असा नव्हता' 

पण मी आहे तसाच 

फक्त तिच्या पाहण्याचा 

दृष्टीकोन बदललाय 

करीअरच्या नावाखाली 

वेळेचा समतोल बिघडलाय 

मेसेज, chat आणि call 

सगळच आता हरवलय 

ती म्हणते-' हल्ली तू 

खूप बारीक झालाय'

अगSS! विचारांती विचार माझे 

मनाला माझ्या खात असतात 

सगळ्यांचाच विचार करायचाय 

तुझा - माझा अन आपला 

विचार मनाला पोखरतोय 

समाजशील प्राणी असल्याचा 

ती म्हणते - भेटू का

 कधी आपण पुन्हा 

अगSS! प्रेम हि भावना आहे 

नसे कोणता गुन्हा 

साथ-सोबत , प्रीत-गंध 

साथ असे नील अंबर 

साथ जसे ऋणानुबंध 

साथ आपले ऋणानुबंध !!!

-धनंजय चौधरी  

कविता आणि शास्त्र

ती म्हणाली - तू खूप छान बोलतोस ,
लिहित-बिहित जा काहिबाही

आमच्या कविमनाला स्फुरण चढले
भावना उतरवल्या कागदावर मग मी

ती म्हणाली- शब्द जमले पण यमक नाही
अजून थोडे प्रयत्न, जमेल बघ तुलाही

यमक जुळावेच लागतात का भावना मांडण्यासाठी
कि त्याशिवाय कविता म्हणजे फक्त शब्दांच्या ओळी

ती म्हणाली- तसं नाही रे काही…
तुला कि नाही काही समजतच नाही मुळी
'प्रत्येक गोष्टीला शास्त्र असते '
 अशी आजी म्हणते माझी

तू एक काम कर एखादा लेखच लिही मस्तपैकी…
त्यात नसतात यमक असतात फक्त ओळी

कविता आणि शास्त्र, भावना आणि संवेदना
मग सुचेनासं झाल मला काहीहि ….

ती म्हणाली- काय तू… तुला एक कविता सुद्धा जमत नाही

मग काय काढली जुनी वही
ऐकवली तिला एक त्यातली
तिने विचारलं तू लिहिली
मी म्हटलो- काय फरक पडतो,
तुला कशी वाटली…
ती म्हणाली- कवीला काही जमली नाही
शब्द बापडे कसे सजवावे हे देखील कळले नाही
अर्थच मुळी उमजला नाही आणि
 उपमा तर तू विचारूच नको काही
मला वाटतंय कि तूच लिहिली असशील
काय बरोबर ओळखलं  कि नाही….
मंद मंद हसत ती वदली

मी म्हणालो- नाही तुझ्याच आवडत्या कवीची  होती….

- धनंजय चौधरी

साथ मला देशील का

साथ मला देशील का...

येऊन सायंकाळी अचानक
मनाला माझ्या भेट देशील का?
लाजून बुजून खेळ गुपचूप
नजरेचा तो खेळशील का?

पुनव रात्री चंद्र आभाळी
फुलेल आज रातराणी
माळून केवडा केसांत तुझ्या
गाशील का प्रेम गाणी?

विचार सोड सजनी
काय माझ्या ध्यानी
भुरळ घातली अशी
तूच माझ्या मनी

प्रीत नवी गंध नवा
रूप तुझे शृंगार नवा
आज बळावेल आशा
गोड गालात हसशील का?

रूप गोजिरे मुख हसरे
झुरवतात तुझे नखरे
सोड ना अबोला अन
अचंबून टाकणारे ते रुसवे

कशाला तुझा रुसवा
हवा नेहमी सोबतीला
कोमेजून टाकतो तो
माझ्या प्रीतीच्या फुलाला

छळतेस तू जाताना
अर्ध्या स्वप्नानंतर का?
पूर्ण रात्र ढळताना
साथ मला देशील का?
साथ मला तू देशील का?

Juni kavita was published in 'saga-art gallery' #poem #kavyasampada #memories #aathwani

A photo posted by Dhananjay Choudhari (DC) (@c_dhananjay)

 - धनंजय चौधरी


[Published in MESCOE Art Gallery in SAGA-2011 event on date 26th March 2011]

आयुष्य

आयुष्य म्हणजे एक गंमत
तिखट - गोड क्षणांची सुरेख संगत

आयुष्य म्हणजे एक मजा
परीक्षा नावाच्या गोष्टीची सजा

आयुष्य म्हणजे एक अपेक्षाभंग
अशक्य मिळवण्यात सदैव दंग

आयुष्य म्हणजे एक गार वारा
उन्हाळ्यात पाऊस अन गारा

आयुष्य म्हणजे एक संधी
कधीतरीच येते दुःखाची मंदी

आयुष्य म्हणजे एक सुगंध
अनपेक्षित सुखाचा ऋणानुबंध

आयुष्य म्हणजे एक आश्चर्य
कधीच न कळणारे  तात्पर्य 

आयुष्य म्हणजे एक व्यथा
जगण्या - मरण्याची छान कथा

आयुष्य म्हणजे एक आशा
पदरी न पडण्याची निराशा

आयुष्य म्हणजे एक टोळका
अनेक विचारवंताचा घोळका

आयुष्य नावाची गोष्ट
अगदीच क्लिष्ट
सरतेशेवटी करते जगाला
जय महाराष्ट्र !!!


 - धनंजय चौधरी

[Published on 'अस्तित्व' board in MESCOE, on date 22/02/2011]