బాయిలోనే బల్లిపలికే ..2
బండసారం శిలలొదిలే బాయిలోనే
ఎర్రాని మావొల్ల శేతికి ..2
ఏడువేలా జోడుంగురాలో ఎర్రాని
గుండ్లు గున్నాలు ఆ శెంపశేర్లు
ఇంపుగ శింగారించుకుని
సన్నా సన్నాని జాజులు సందేల
మోజుగ ముడుసుకోనొస్తిని
బాయి బాటెంట బంతిపువ్ తోటెంట
పిలగా నీ తోడ సిద్ధమై వస్తిరా
బాయిలోనే…
బాయిలోనే బల్లిపలికే ..2
బండసారం శిలలొదిలే బాయిలోనే
బాజరులా బాలలంత..2
బత్తిసా లాడంగో బాజరులా
(చరణం:01)
శింతా శింతల్ల శింతపువ్వు రాలంగ
శిన్నోడ నా శెయ్యి పట్టవేమిర
ముంతా ముంతల్ల ఈతకల్లు తాగినట్టు
పానమంత నీ దిక్కె గుంజుతుందిరా
ఏగిరం లేకుండా ఇద్దరం ఇగురంగా
ఇట్టంగ ఎగిరిపోదామా
పాయిరం జంటోలే గావురం జేసుకొను
ముహూర్త బలమే అడుగుదమా
కంచె దాటంగ మంచే మీదుంగ ముద్దు
ముచ్చట్ల మునిగిపోదమా
బాయి బాయి బాయి బాయి బాయిలోనే…
బాయిలోనే బల్లిపలికే..2
బండసారం శిలలొదిలే బాయిలోనే
ఆడకట్టు ఆడోళ్లంతా ..2
సూడమెచ్చే సంబురాలో ఆడకట్టు..
(చరణం:02)
సందు సందుల్ల మందీ మందీల
సైగలు జెయ్యంగ సూడవేమిర
ఎన్ని దినాలు నువ్వే పానాలు
అంటు నిన్నే తలువనురా
పొడిపొడి మాటల పోరడ
నీకాడ జేరగ పట్టు వడితినిరా
పరులా కన్నూల పడక
నీ కొరకు పరుగు పరుగన వత్తినిరా
అలిమిన శీకట్ల బలిమిలేకుండా
ఆలుపు సొలుపులు తీర్చవేమిరా
బాయి బాయి బాయి బాయి బాయిలోనే…
బాయిలోనే బల్లిపలికే..2
బండసారం శిలలొదిలే బాయిలోనే
కంకపొదలా కొమ్మలిరిశి..2
కొలాటా లాడంగో కంకపొదలా
గుండ్లు గున్నాలు ఆ శెంపశేర్లు
ఇంపుగ శింగారించుకుని
సన్నా సన్నాని జాజులు సందేల
మోజుగ ముడుసుకోనొస్తిని
బాయి బాటెంట బంతిపువ్ తోటెంట
పిలగా నీ తోడ సిద్ధమై వస్తిరా
- కమల్ ఎస్లావత్
No comments:
Post a Comment