प्रेम म्हणजे एक गंमत
तिखट - गोड क्षणांची सुरेख संगत
प्रेम म्हणजे एक मजा
परीक्षा नावाच्या गोष्टीची सजा
प्रेम म्हणजे एक अपेक्षाभंग
अशक्य मिळवण्यात सदैव दंग
प्रेम म्हणजे एक गार वारा
उन्हाळ्यात पाऊस अन गारा
प्रेम म्हणजे एक संधी
कधीतरीच येते दुःखाची मंदी
प्रेम म्हणजे एक सुगंध
अनपेक्षित सुखाचा ऋणानुबंध
प्रेम म्हणजे एक आश्चर्य
कधीच न कळणारे तात्पर्य
प्रेम म्हणजे एक व्यथा
जगण्या - मरण्याची छान कथा
प्रेम म्हणजे एक आशा
पदरी न पडण्याची निराशा
प्रेम म्हणजे एक टोळका
अनेक विचारवंताचा घोळका
प्रेम नावाची गोष्ट
अगदीच क्लिष्ट
काहींसाठी स्पष्ट तर
काहींसाठी कष्ट!!!
- धनंजय चौधरी
No comments:
Post a Comment