सख्या रे

सख्या रे कसले हे बंध
जणू वाटे पूवजन्मचे ऋणानुबंध
पुष्प-सुमनांचा सुगंध की
स्वर्गविहाराचा आनंद

भेटता सख्या तू मला
गवसले नवे क्षितिज मजला
देण्या आयुष्याची प्रीत
जाहले सख्या तुझी मित

पडता अक्षदा डोईवरती
आनंदला ही आली भरती
एकमेकांना देऊनी साद
एकची झाला शंख नाद

ना तूटो कधी ही ओढ अंतरीची
ना विरह कधी होवो
श्वास तुझा नि माझा
जन्मोजन्मी एकरूप राहो.....


कवयित्री - कावेरी डफळ