कोणीतरी रडतंय
कोणीतरी रडतंय मगापासून
कोणीतरी रडत होतं
रात्रभर
कोणीतरी रडत बसलंय
युगानुयुग
तूच का गं
पण तू का रडते आहेस अशी
अविरत
रडायला काय झालं तुला
कोण म्हणालं का काही
कुणी मारलं का तुला
कुठं दुखतयं तुला
खुपतयं का कुठं काही
तू का रडते आहेस
एकटीच
इथं या अरण्यात बसून
की तूच हे अरण्य आहेस
रडणारं
कवी - अरुण कोलटकर
"कोणीतरी रडतंय" हि कविता अरुण कोलटकर ह्यांच्या 'भिजकी वही' ह्या पुस्तकातून घेतली आहे. त्या पुस्तकाची लिंक सोबत देत आहे :
No comments:
Post a Comment